Euròpa que conegó a comptar de las annadas 1960 e enqüèra mei 1970, ua andada on las generacions joenas e’s tornavan apoderar los saber-hars musicaus e coregrafics dinc alavetz transmetuts per la màger part oraument dens las comunitats ruraus.

Aquera apoderacion tornar que s’ei emparada sus la collècta sonòra o video d’aqueras practicas sovent en desapareishuda.
En Aquitània, aqueras collèctas que son per la màger part lo hèit d’òmis e de hemnas qui la passion e lo sentit d’urgéncia amièn a obrar, quan serà en lo deliment tecnic e financèr. Atau, mercés ad eths, cada departament d’Aquitània qu’ei ric de dadas etnograficas uei lo dia irremplaçablas qui avem de sauvar e d’avalorar.