LAS HÈSTAS PATRONAUS
Baiona, Dacs,
Laruntz, Mont...

Tot vilatge, tota vila, e lhèu tot barri, qu’a la soa hèsta. Jos l’egida d’un Sent Patron, entre missa, corsas de vacas, passacarrèra o bal, que pren autant au religiós com au profane.

La hèsta annau qu’ei mei que mei lo parat de l’aplec de las familhas e de tota la comunitat deu vilatge. Qu’ei lo moment privilegiat de tornar afirmar en lo son perhons tau com au dehòra los ligams qui amassan los sons compausants.

Per quauques dias, l’ordi jornalèr que’s tròba avalit. Lo temps que’s conjuga segon un mòde navèth, en concentrar cada dia activitats numerosas. La regaudida que s’emplaça, la vila que s’abrasa.