LOS HESTENAUS
Usesta Musicau -Hestau de la canson bearnesa de Siròs....
Lo concèpte de Hestenau, pro recent puish que vad en 1830, que coneish un vam considerable desempuish 1945. Aqueste tèrmi de hestenau qui hè bèth drinòt resson a hèstas, carnaval o estivenc que’s sembla hòrt a las hèstas tradicionaus : concentrat de manifestacions culturaus, ludicas e hestivas en un temps e un lòc plan determinats, doblats d’ua cara ciclica sasonèra.
Las expressions culturaus occitanas tradicionaus o de creacion que i tròban regularament l’empont qui n’ei pas de bon aver en los hialats culturaus costumèrs. Los hestenaus en bèth en·hortir los ligams deu teishut associatiu locau qu’ahorteishen tanben l’identitat deus lòcs per la lor grana atractivitat.
 La Felibrejada de Peirigòrd creada en 1903, que hesteja la lenga e la cultura occitanas. Desempuish lavetz, ua vila de Peirigòrd qu’arcuelh mei de trenta mila personas vienudas de tots los orizonts… En 1978, un aute vilatge, de la Grana Lana aqueste còp, que ved a l’entorn de Bernard Lubat, un deus mainats sons, l’espelida d’un deus mei grans hestenaus de l’exagòne : Useste Musicau – Hestejada de las arts. Desempuish 1992, 2000 artistas e 300 concèrts, detzenats de proseis… Estar amassa, parlà’s, escotà’s, préner part, debàter, bastir. Parlar lengas de totas, balhar sens, har enténer musicas d’ací e d’aulhors, eretadas, desbrombadas, transmetudas, transgredidas, metissadas, apitadas tornar, inventadas…
Pau, los Bearnés a la crotzada d’Occitania. Ua programacion originau, qui aplega manifestacions culturaus, musicaus e tradicionaus. La mesa en plaça d’animacions popularas aconsiadas a un espectacle de pagèra e de renom internacionau… Los estivatges musicaus de Laàs que’s debanan la dimenjada de l’Ascencion. 4 dias e 3 nueits de musica e de dança, un "Tremplin de las Polifonias", un dia taus mainats, un dia tradicionau, drin de fòlc, de ròck celtic, de canta polifonica, de conte, conferéncias, talhèrs, mustras... | Qu’ei atau qu’en 1967, Siròs, vilatjòt bearnés qui’s tròba sus l’arribèra deu Gave de Pau, qu’apita Lo Hestau de la canta bearnesa qui aplega dinc a 15 000 personas e qui vad en quauquas annadas l’actor de non pas mancar de la lenga e de la cultura de Bearn. Musicalarue, qu’ei l’istòria d’ua hèsta tradicionau qui s’ac virè com cau, d’ua troperada d’amics, cambiats en organizators de la hèsta, après que n’estón longtemps actors. Qu’ei l’istòria de Lucsèir, un vilatge de la Hauta Lana de 650 poblants qui, desempuish tostemps, au moment deu 15 d’Agost, a cercat a har la hèsta d’un aute biais…
La federacion Gascon Lanas, gropament associatiu tà la sauvaguarda de la cultura d'òc, qu’organiza desempuish 2000 lo hestau "Lo Gran Truc". Aqueth hestau deu mes d’octobre que cor lo departament de las Lanas per mantuas manifestacions : bals, contes, conferéncias… A Sent Pèir d'Aurilhac a 60 km au sud de Bordèu, parçan patziu ritmat peus aigats de Garona e lo tribalh deu vitatge, lo Hestenau deus Pifres de Garona qu’ei vadut en 1991 de la hami d’aplegar los jogaires de pifres e los tambors deu parçan, e de har ua bèra hèsta… La Hèsta de la Dança qu’ei organizada tot dus ans en Bearn per un collectiu d’associacions deu medish nom e a an passat dab la Hèsta deu Rondèu de Castelnau-Barbarens en Mieidia Pirenèus.
| |
Los Hestenaus
